قصيده بعنوان (حال الطبيه)

طبعا هاي القصيده انا كتبتها

ادري بيها موشي بس المهم الفتلي قصيده

شاعر ياناس مو بيدي (محمد الجواهري بزماني)

حالـــــــــــ الطبيهـــــــــــ

بعد الدراسة والتعب يا ناس يطلع الطالب معدل وينقبل طبيه
مكيف الحلو وماشايلته هاي الكاع ومتاني اول يوم اله بالكليه
مستعجل الولد ومايدري شمتاني ولو يدري لا والله ماجان اجه طبيه
ويجيك الحلو مشيك ومزيون والشعر مجلل وبالايد جفيه
رايح للطبيه مكيف وفرحان وبلكت همين يتعرف على ابنيه
ومن يشوف البنايه تصير العين بالطول ويكول متوهمين مو هاي الطبيه
لان الشافه مو مثل ماجن بالبال شاف غوانتنامو بس احسن شويه
ويداوم بالاول وينصدم بالحال واول شي يصدمه هو العضويه
خطيه الولد بعده صغير وسنفور على كيفكم وياه شويه
فسلجه وتشريح وحقوق انسان وهو متيه دخل بايو لو كيميه
وتشوفه حاير مايندل دربه منين وعلى السج يتعلم شويه شويه
وينجح من الاول وبالثاني تلكيه اذا ما وكع باساسيات طبيه
وبالثاني محمد جان يكلنه كيت وكيت واذا تسأله يكلك ماعليه
انت طلعه من المصادر ادري شنو انا موسوعه علميه
راح محمد ولا جنه جان موجود وهذا هو الحال بهاي الدنيه
هوايه محمد يجي ويروح وما ينذكر بس إلي ما عنده آذيه
وتنجح بالثاني بنهاية المطاف ويرتاح الأفندي بالعطلة ألصيفيه
ويجيك الثالث وانت تشوف الضيم وتنعل يوم الي دخلت بيه طبيه
تشوف الباثو لاعب لعب بالناس مسويلهم عله وحاطلهم اذيه
خو المايكرو والفارما لا حيل سهلات يعني انت دور ثاني بيهن ميه بالميه
وراها ينجح الطالب ويكيف ويكول رايح للرابع رايح لربيع الطبيه
رايح للرابع مايدري شمتاني ومكيف يداوم مقررات سريريه
ويتفاجأ الحلو ويشوف الربيع يصير كلش حار , مثل عطشان بغره الصيفيه
ويشوف الكميونتي امسويله جولات وكل طالب يحلم بيه ليليه
وتشوف الطالب مسوي مناحه البيت والام تواسي وتكله يمه سوده عليه
طالب الطبيه مسكين ويبجي العين بس منو الي يرحم ويكول هذا خطيه
يكلوله سهله وباجر تهون متكلولي وين باجر ويهل عليه
جني مايوم ابد انا ارتاح حتى لو اشيب وتجيني المنيه
وبالخامس خطيه يشوف العمره مانشاف وصدكوني يوصل للموت اله شويه
وراها الطالب يكعد يعد ايام متاني التخرج عباله هاي هيه
عباله خلصت وراح الضيم الظاهر غشيم ومايعرف الطبيه
الطبيه تعب طول اليوم لانوم ولا اكل ولا ونسه شويه
ويتخرج الولد بعد معاناه ومدري جم سنه سوه الطبيه
ناس تسويها 6 وناس 20 وصدكوني شفت ناس منهد ثوره العشرين
وقبل لا اختم قصيدتي عندي جم حجايه تنكال حتى ما اظلم واقع الطبيه
تره مو كل الحجي هو واقع الحال لان قسم كلته للضروره الشعريه
جنت ضايج وما ادري وين اروح كلت اونس روحي بابيات شعريه
الطبيه بحر كلشي صعب بي والطبيه رفعت راس ميه بالميه
الطببيه خدمه انسانيه مو خدمه العنده فلوس وغلط من كال على الفلوس مبنيه
ولو اكو بيهم نسو قسم سقراط وطمعوا بالفلوس وغرتهم الدنيه
ونضل نشوف فرحه بعين كل دكتور من مريضه يطيب ويكله ما ضل كل الم بيه
هذا هو الطبيب الي ربنا وداه رحمه من عنده لهاي البشريه